امبارح اول لما صحيت من النوم ج 1 حكايات منــال عـلـي

الجزء الاول

فيه أيام بتبدأ عادية جدًا… لدرجة إنك بتفتكر إن مفيش أي حاجة ممكن تحصل فيها.
بس ساعات… أكتر يوم هادي هو اللي بيغيّر حياتك كلها في لحظة…!

حكايات منــال عـلـي

امبارح أول ما صحيت من النوم، بصيت في الساعة لقيتها لسه بدري. قلت في سري:
“يلا… أستغل اليوم من أوله.”

قومت على طول، شغلت الغسالة وحطيت أول غسلة، وقلت:
“أتوكل على الله وأخلص شغل البيت بدري، عشان أنزل أجيب هدوم البنات بتاعة المدرسة قبل الزحمة.”

الحمد لله، الشغل مكنش كتير خالص.
كام طبق في الحوض، ولميت السرير، ومسحت الصالة مسحة خفيفة، والدنيا كانت ماشية زي الفل.

صفحه روايات واقتباسات

جوزي صحي بعدها بشوية وهو بيفرك عينه وقال:
– صباح الخير يا أم البنات.

ضحكت وقلت:
– صباح النور… قوم الحق الفطار قبل ما يبرد. حكايات منــال على

قعدنا نفطر أنا وهو والبنات، وكل واحدة بتحكيلي هي نفسها تجيب

إيه للمدرسة السنة دي.
الكبيرة كانت نفسها في شنطة لونها كحلي.
والصغيرة عايزة جزمة بتنور كل ما تمشي.

وأنا كل شوية أقولهم:
– حاضر يا حبايب قلبي… كله هييجي بإذن الله.

جوزي بصلي وهو بيشرب الشاي وقال:
– خلاص… النهارده بعد الشغل نتغدى سوا برا؟

هزيت راسي بسرعة.
– لا… وفر الفلوس. هعملكم صينية بطاطس بالفراخ. من زمان ما كلناهاش.

ابتسم وقال:
– والله إنتي أحسن من أي مطعم.

الكلمة دي لوحدها كانت كفاية تخليني أكمل اليوم كله وأنا مبسوطة.

بعد ما نزل هو الشغل والبنات كل واحدة راحت مشوارها، كملت باقي شغلي.

طلعت الغسيل، وحطيت غسلة تانية، ورتبت أوضة البنات، ولقيت نفسي مخلصة كل حاجة قبل الضهر.

حتى استغربت. حكايات منــال عـلـي

قلت:
– يا سلام… أول مرة ألاقي نفسي فاضية بدري كده.

عملت كباية قهوة، وقعدت خمس دقايق في البلكونة.
يمكن أول مرة من شهور أقعد من غير ما حد يناديني.

الجو كان

جميل…
والهوا داخل خفيف…
والشارع هادي على غير العادة.
كنت حاسة إن اليوم ده هيعدي من غير أي مفاجآت.

بعد شوية دخلت المطبخ وطلعت الفراخ من الفريزر عشان تفك، وبدأت أجهز البطاطس.

وفجأة…

افتكرت إن البنات محتاجين هدوم المدرسة كلها.
يونيفورم…
شرابات…
كشاكيل…
وحاجات كتير.