عيـلة جـوزي اتجمعـت عشان يطردوني ج 1 حكـايات مني السيد

إيه؟
توريد مواد لمشروع تابع لشركة كبيرة.
هزيت راسي.
وبعدين؟
كان فيه شريك معانا.
مين؟
بصلي.
عماد.
عماد مين؟
عماد ابن عمي.
اتنفضت.
عماد اللي كان امبارح؟
هز راسه.
أيوه.
بدأت أحاول أربط الكلام ببعضه.
وإيه علاقتي أنا؟
سيف سكت.
المرة دي أنا اللي اتوترت.
سيف!
قبل جوازنا بشهور، حصلت مشكلة في الحسابات.
حسابات؟
فلوس اختفت.
حسيت بمعدتي اتقبضت.
قد إيه؟
قال رقمًا.
رقمًا كبيرًا جدًا.
فضلت باصة له مش مصدقة.
وإنت كنت مسؤول؟
لأ.
أمال مين؟
كان فيه موظف مالي.
والموظف ده عمل إيه؟
اختفى.
اتجمدت.
اختفى؟
آه.
وسرق الفلوس؟
ده اللي اتقال وقتها.
سكت.
وبعدين سألت
وإيه دخل جوازنا؟
سيف أخد نفس طويل.
لأن الموظف ده كان شغال في نفس الشركة اللي إنتي كنتي فيها.
اتسمرت مكاني.
إيه؟
كان مدير حسابات فرع.
أنا كنت شغالة في نفس الشركة؟
أيوه.
ضحكت من التوتر.
سيف، أنا وقتها كنت في قسم مختلف تمامًا.
عارف.
وما كانش بيني وبينه أي تعامل.
عارف.
أمال؟
سيف قرب مني وقال بصوت واطي
المشكلة إن اسمك ظهر في ورقة.
حسيت إن نفسي وقف.
ورقة إيه؟
تحويل مالي.
أنا؟
اسمك كان موجود كمراجِع.
قمت من مكاني.
إنت بتقول إيه؟
اسمعيني.
لا، إنت بتقول إيه؟ أنا ما عملتش حاجة!
أنا عارف.
طب ليه اسمي؟
مش عارف.
بصيتله وأنا حاسة إن الدنيا بتلف بيا.
إنت عارف من إمتى؟
ما ردش.
صړخت
من إمتى يا سيف؟!
من قبل ما نتجوز.
حسيت إني اتصفعت.
وما قلتليش؟
كنت بحاول أحل الموضوع.
خمس سنين؟!
سكت.
خمس سنين يا سيف وإنت مخبي عني إن اسمي موجود في قضية فلوس؟
ما كانتش قضية ضدك.
بس اسمي موجود!
أيوه.
وإنت سكت؟
لأن بابا وأمي كانوا شايفين إن الموضوع ممكن يبوظ الجواز.
ضحكت.
بس الضحكة طلعت مکسورة.
يعني أنا كنت داخلة بيتكم وفيه قنبلة مدفونة تحت السجادة، وإنت سايبني أمشي فوقها خمس سنين؟
غزل…
لا.
بعدت عنه.
كمل.
إيه؟
عايزة أعرف كل حاجة.
سيف فضل ساكت.
الورقة دي كانت إيه؟
تحويل من حساب المشروع.
باسم مين؟
شركة وسيطة.
ومين صاحب الشركة؟
سكت.
عرفت من سكوته إن الإجابة مش بسيطة.
مين؟
واحد اسمه ممدوح الشامي.
الاسم ما كانش غريب عليا.
حاولت أفتكره.
وفجأة…
افتكرت.
ممدوح الشامي؟
سيف بصلي.
إنتي تعرفيه؟
مش شخصيًا.
أمال؟
الاسم ده كان بيتكرر في الشركة.
إزاي؟
كان من العملاء.
سيف قرب مني.
غزل، اسمعيني كويس.
أنا سامعاك.
فيه حاجة حصلت قبل جوازنا بأسبوعين.
إيه؟
الفلوس رجعت.
اټصدمت.
رجعت؟
كلها.
طب ليه المشكلة لسه موجودة؟
سيف بلع ريقه.
لأن حد رجعها بطريقة خلت الشبهة تقع عليكي.
عليّا أنا؟
آه.
مين؟
مش عارف.
يعني إيه مش عارف؟
فيه تحويل رجع من حساب باسم قريب جدًا من اسمك.
قريب؟
غزل محمود…
وقف.
غزل محمود إيه؟
غزل محمود السيد.
اتسمرت.
ده اسمي.
عارف.
بس أنا ما عنديش حساب الشركة دي.
عارف.
ولا حساب بنكي بالشكل ده.
عارف.
أمال إزاي؟
سيف بصلي بنظرة مليانة خوف.
عشان الحساب اتفتح باستخدام بطاقة شخصية مزورة.
قلبي وقع.
بطاقتي؟
مش بطاقتك الأصلية.
صورة بطاقتي؟
سيف سكت.
سيف!
آه.
مين كان عنده صورة بطاقتي؟
ما ردش.
لكن أنا بدأت أفهم.
قلت بهدوء
مين كان عنده صورة بطاقتي وقتها؟
قال
أمي.
حسيت إن الغرفة كلها سكتت.
حتى صوت المطر اختفى من ودني.
ليه كانت معاها؟
عشان إجراءات الجواز.
مين كان بيجهز ورق الجواز؟
سيف ما ردش.
أنا قربت منه.
أمك؟
هز راسه.
ساعتها لأول مرة…
الخۏف اللي كان في عينيه اتحول لحاجة تانية.
ذنب.
ذنب واضح.
قلت
إنت شاكك في أمك؟
أنا مش عايز أشك فيها.
بس شاكك.
سكت.
بصيت للساعة.
كانت تمانية إلا ربع.
قلت
لازم نروح.
فين؟
القعدة.
غزل، ممكن نلغيها.
لأ.
ليه؟
عشان أنا