شهادة حق ج 2 حكـايات مني السيد حصري
التليفون وقع من إيد منــ,,ـــــار على سجادة الصالة، وصوت الصدمة عمل صدى في الشقة كلها. فضلت باصة للشاشة اللي اسودت كأنها مش مستوعبة، شفايفها كانت بتترعش من غير ما يطلع منها صوت، وبعدين فجأة شهقت شهقة طويلة كأن روحها بتتسحب، وصرخت عصام!
عيالي… يا لهوي يا أبو يوسف! رجليها مالت وخانتها وكانت هتقع على وشها، لكن مدّيت إيديا الاتنين ولحقتها بالعافية. كان جسمها كله بينتفض زي الطير المدبوح، وأنا دموعي كانت مغرقة وشي ورعبي بيصرخ جوايا كل ده بسببي.
.. كل الخراب ده عشان كدبة، عشان قطة، عشان سمك زفت كان لازم أنطق عشانه! اهدي يا منــ,,ـــــار ونبي، البسي طرحتك، هننزل دلوقتي… هننزل سوا والله ما هسيبك! قولت الجملة دي وأنا مش عارفة بجيب القوة منين، بس كان جوايا إحساس غريب إن دي اللحظة الأخيرة؛
لو سكتت تانية واحدة كمان، البيت مش بس هيتخرب، ده هينهار فوق دماغ الكل ومش هتقوم له قومة أبداً. نزلت منــ,,ـــــار تجري على السلم وأنا في ديلها، كانت نازلة حافية وبتعدل طرحتها على السلم وهي بتنهج. أول ما وصلنا مدخل العمارة، لقينا نسوان الحتة متجمعين حوالين شقة حماتي.
الباب كان مفتوح على آخره، وصوت صريخ وبكا طالع من الصالة، وأم إبراهيم جارتنا واقفة على العتبة بماية بسكر وبترش على وش حماتي اللي كانت ممدة على الكنبة والضغط واطي وموشوش عليها. أول ما النسوان شافوا منــ,,ـــــار، العيون كلها اتعلقت بيها بنظرات شماتة على عتاب على همهمات توجع القلب.
واحدة همست للتانية مش دي اللي طردوها بعد العصر؟ راجعة ليه؟ منــ,,ـــــار وقفت متخشبة على الباب، وشها مطعون ومكسور، كأن كل خطوة بتدوس على كرامتها. بس حماتي في اللحظة دي فتحت عينيها بتثاقل، ولما لمحت منــ,,ـــــار، الدم رجع في عروقها على شكل سم وزعيق مفاجئ جاية ليه يا غراب البين؟
! جاية تشوفي عمايلك في ابني؟! ابني دمه سايح في المستشفى بسببك وبسبب قلة أصلك وفضايحك! طالع القهوة عينه في الأرض من سيرتك وسيرة سرقتك، ولما راجل غريب نغزه بكلمة مسك فيه وفلقوا راسه! اطلعي برا بيتي… اطلعي برا، وشك فقر ونحس على عيالي!
الكلمات نزلت على منــ,,ـــــار زي السياط، رجعت خطوتين لورا وسندت على كتفي، دموعها كانت بتنزل ساكتة… السكوت اللي بي. أكتر من الصريخ. وفي اللحظة دي، حسيت بحاجة طقت في نافوخي. الخوف اللي كان شالني من الصبح اتبخر فجأة، وحل مكانه غضب أعمى من نفسي ومن الظلــ,,ـــــم اللي بيحصل قدام عيني.