الخذلان من أقرب الناس. ج 2 حكايات منــال عـلـي

أنا مجرد جارتها.

الدكتور بص للممرضة وقال بحدة:

ـ مفيش وقت.

البنت لو اتأخرنا خمس دقايق كمان هنخسرها.

دخّلُوها العمليات فورًا.

…

وفي نفس اللحظة…

كان موبايلي لسه في شنطتي.

وفجأة…

رن.

الممرضة بصت للشاشة.

مكتوب…

“ماما.”

ردت بسرعة وقالت:

ـ ألو… حضرتك والدة الآنسة مي؟

جالها صوت بارد جدًا:

ـ أيوه… خير؟

قالت الممرضة بسرعة:

ـ بنت حضرتك دخلت العمليات حالًا… حالتها خطيرة جدًا.

سكتت الأم ثواني…

وبعدين قالت بكل برود:

ـ يعني مش هينفع أجيلها دلوقتي.

إحنا عندنا عقيقة بنتي الصبح والبيت مليان ناس.

ابقي طمنيني لما تفوق.

الممرضة فضلت ساكتة من الصدمة.

وقبل

ما تلحق تتكلم…
كانت الأم قفلت السكة.

الممرضة بصت للدكتور وقالت وهي مش مستوعبة:

ـ معقول…

دي أمها بجد؟

الدكتور هز راسه بأسى وقال:

ـ للأسف…

فيه أهالي بيبقوا أغرب من الغرب.

ثم بص ناحية باب العمليات وقال:

ـ يارب نلحقها…

يتبع…